Sighint is barrancus po is sardu chi disìgiant o tennint abisùngiu de si tramudai in Italia. No abastant is barrancus cun sa continuidadi, de immò innantis eus a tenni, fintzas prus pagu possibilidadis. Difatis, is atzionistas de Air Italy, Alisarda e Qatar Airways intra AQA Holding, po nexi de sa dificultadi de su mercau ant decìdiu, paris, de poni sa sotziedadi in licuidatzioni in bonis, chi prevedit su pagamentu de totus is dipendentis e de is pagadoris. Air Italy fait sci ca “at a traballai po ridui a su minimu is barrancus de is passeggeris”. Is aereus prenotaus finas a su 25 friaxu no ant a tenni perunu barrancu, chini at prenotau a pustis de su 25 de friaxu at a tenni su tramudamentu in àteras cumpagias o, sinuncas, dd’ant a torrai su dinai. E duncas s’ìsula sarda sighit a essi isolada, a dolu mannu.
Guido Cadoni
