Domingu a mengianu in su spidali Santissima Trinità in Casteddu est mortu s’imprendidori de 42 annus, primu sardu a s’amarariai de Coronavirus in Sardigna. Fiat gravi, totu custu tempus fiat in coma farmacològicu in su repartu infetivus, in is ùrtimas tres dies s’est impeuau. S’imprendidori at amostau is signus de su virus a sa torrada de una fiera in Rimini. Is suspetus aiant tentu cunfrima cun su tamponi, apustis su ricoveru in su spidali de Is Mirrionis. Debaras sa famìlia at abetau, sperendi. Po nexi de su decretu is familiaris non dd’ant a podi donai mancu s’ùrtimu saludu.
E sèmpiri in sa die de domingu est lòmpia sa nova, cust’orta de Tatari, de un’àtera vìtima, un’òmini de 81 annu, non nci dd’at fata. Fintzas sa Sardigna inghitzat a registrai mortus, s’abetu de is dies prus dìficilis est po su 19 de martzu chi benit. Abompiaus in is domus, in s’arrispetu de is decretus e de is ordinantzas. Impai nci dd’at podeus fai.
