In tempus de Coronavirus non si depeus scaresci de chini tennit abisùngiu de sànguini.Po custu s’amministratzioni comunali de Cuartu e s’Avis ant organizau una filera de adòbius po assigurai a chini bolit sa possibilidadi de donai su sànguini.
Arremonaus ca sunt medas is pressonis chi ònnia die tenint abisùngiu de trasfusionis, sceti in Sardigna sunt unu migliaiu intra talassemicus, leucemicus e cun àteras formas oncologicas chi abisungiant de scortas de sanguini po sighì is terapias e podi sperai de bivi. Po cantu pertocat sa tzitadi de Cuartu is adòbius po donai su sànguini in su mesi de arbili ant a essi: lunis 6 de arbili – de is 8.30 a 12.30 – Pratza Sant’Elina; martis 14 de arbili – de is 8.30 a 12.30 – arruga Livatino (area fronti Iper Pan e Hardis); lunis 20 de arbili – de is 8.30 a 12.30 – Pratza Sant’Elina; lunis 27 de arbili 2020 – de is 8.30 a 12.30 – arruga Livatino (area fronti Iper Pan e Hardis).
